|
Muqdisho,(insidesomalia.org)- Sedex qofood oo Rayid ah ayaa ku geeriyootay oo mid ka mida uu ahaa Canug yar, kadib markii howlgal ay Degmada Cadaado ka sameeyeen Ciidamada Dowlada Soomaaliya oo la socday Kuwa Itoobiya maanta.
Ciidamada Dowlada Soomaaliya ayaa waxaa ay maanta gudaha u galeen Magaalada Cadaado ee Gobolka Galgaduud ee Bartamaha Soomaaliya, taasi oo keentay in ay ku dilaan 3 ruux oo ay ka mid ahayeen Ganacsade Deegaankasi Caan ka ahaa iyo wiil yar, kadib sida la sheegay howlgal ay halkasi ka sameeyeen.
Ciidmadani oo la socday Ciidamo Itoobiyaan ah oo shalay gaaray halkasi ayaa waxaa dadka deegaanka ay ku soo waramayaan in Ciidamada Itoobiya ay ku sugan yihiin Magaalada Dibadeeda halka kuwa Soomaaliya gudaha u soo Galeen Magaalada, isla markaana ay dil iyo Xarigba ka geeysteen halkasi.
Inta badan dadka deegaanka ayaa waxaa ay cabsho ka muujiyeen falalka sidan oo kale ah ee ay Ciidmada Dowladda Kula dhaqaaqeen shacabka, taasi oo keenta in maalinimo ay dadka faarujiyaan Magaalada, iyagoo ka baqdin qaba in dhibaato ay kala kulmaan Ciidamada Dowladda.
Saaka ayaa waxaa guud ahaan xirnaa Goobihii Ganacsi ee Magaalada Cadaado ee Gobolka Galgaduud, kadib markii dadka Deegaanka ay cabsi xoogan ka Muujiyeen Ciidamada Shalay Galinkii Danbe galay Degmada Cadaado.
Xalada Magaalada Cadaado ee Gobolka Galgaduud ayaa kacasan iyadoo hadal heeynta ugu weeyn ee Magaaladasi ay tahay dilka ay Ciidamada Dowladda ka geeysteen Magaalada.
 |
Siyaasadda | Somaliya 
Subscribe to this comment's feed